Surah Al Mursalat Ayat 31-32-33-34 Urdu Translation Tafseer

Para 29 - تَبٰرَكَ الَّذِیْ

سورة المرسلت

Audio PDF

بِسْمِ اللّٰهِ الرَّحْمٰنِ الرَّحِیْمِ

77.31-32-33-34

لَّا ظَلِیْلٍ وَّ لَا یُغْنِیْ مِنَ اللَّهَبِﭤ(31) اِنَّهَا تَرْمِیْ بِشَرَرٍ كَالْقَصْرِۚ (32) كَاَنَّهٗ جِمٰلَتٌ صُفْرٌﭤ(33) وَیْلٌ یَّوْمَىٕذٍ لِّلْمُكَذِّبِیْنَ(34)

Kanz ul Iman Kanz ul Irfan

کنزالعرفان

جو نہ سایہ دے اورنہ وہ شعلے سے بچائے۔ بیشک دوزخ محل جیسی چنگاریاں پھینکتی ہے۔ گویا وہ (چنگاریاں ) زرد رنگ کے اونٹ ہیں ۔ اس دن جھٹلانے والوں کے لئے خرابی ہے۔

تفسیر : ‎صراط الجنان

{لَا ظَلِیْلٍ: جو نہ سایہ دے۔} اس آیت اور اس کے بعد والی دو آیات کا خلاصہ یہ ہے کہ جہنم کا وہ دھواں ایسا ہے کہ نہ سایہ دے جس سے کفار اس دن کی گرمی سے کچھ امن پاسکیں اورنہ وہ کفار کو جہنم کی آگ کے شعلے سے بچائے گا۔بیشک دوزخ اونچے محل جیسی بڑی بڑی چنگاریاں پھینکتی ہے اور ان چنگاریوں کا رنگ ایسا ہے گویا کہ وہ زرد رنگ کے اونٹ ہیں ۔( مدارک، المرسلات، تحت الآیۃ: ۳۱-۳۳، ص۱۳۱۲)

{وَیْلٌ یَّوْمَىٕذٍ لِّلْمُكَذِّبِیْنَ: اس دن جھٹلانے والوں کے لئے خرابی ہے۔} یعنی قیامت کے دن ان لوگوں کے لئے خرابی ہے جو ا س دن کی ہَولناکیوں اور اس دن میں گُناہگاروں کے اَحوال کو جھٹلاتے ہیں ۔( روح البیان، المرسلات، تحت الآیۃ: ۳۴، ۱۰ / ۲۸۸)